या जन्मावर या जगण्यावर/ Ya Janmavar Ya Jaganyavar Lyrics Mangesh Padgaonkar

शतदा प्रेम करावे मंगेश पाडगावकर 

या जन्मावर या जगण्यावर शतदा प्रेम करावे

चंचल वारा या जलधारा भिजली काळी माती

हिरवे हिरवे प्राण तशी ही रुजून आली पाती

फुले लाजरी बघुन कुणाचे हळवे ओठ स्मरावे

रंगांचा उघडुनिया पंखा सांज कुणी ही केली?

काळोखाच्या दारावरती नक्षत्रांच्या वेली

सहा ऋतूंचे सहा सोहळे येथे भान हरावे

बाळाच्या चिमण्या ओठांतुन हाक बोबडी येते

वेलीवरती प्रेम प्रियेचे जन्म फुलांनी घेते

नदीच्या काठी सजणासाठी गाणे गात झुरावे

या ओठांनी चुंबुन घेईन हजारदा ही माती

अनंत मरणे झेलुन घ्यावी इथल्या जगण्यासाठी

इथल्या पिंपळपानावरती अवघे विश्व तरावे

                                       - Mangesh Padgaonkar 

" शतदा प्रेम करावे कविता "

" Ya Janmavar Ya Jaganyavar Shatada Prem Karave Mangesh Padgaonkar "

" Ya Janmavar Ya Jaganyavar Marathi Poem "